Yayla birlikdə ağcaqanadlar da ortaya çıxır. Lakin ağcaqanadlardan xilas olmaq üçün təsirli üsullar var.
Metbuat.az bu üsullardan bir neçəsini təqdim edir.
Spirt və şəffaf paketlər
Evinizə ağcaqanadların girməsini spirtli su ilə əngəlləyə bilərsiniz. Spirtin sərt qoxusu böcək və ağcaqanadları uzaqlaşdırmaq üçün təsirlidir. Xüsusilə, spirti ağ paketlərin içərisinə əlavə edib işıq gələn yerə asa bilərsiniz.
Lavanda yağı
Lavanda yağı da ağcaqanadlardan xilas olmaq üçün təsirlidir. Yağdan istifadə qaydasına gəldikdə, bir fincan lavanda yağı, bir ədəd qutu, süngər ya da bezə ehtiyacınız var. Lavanda yağını süngərə batırıb qutuya yerləşdirin və qapağını bağlayın. 24 saat ərzində saxlayın. Daha sonra qapağı açaraq evinizin hər hansı hissəsinə yerləşdirin. Beləcə, ağcaqanadların gəlməsini əngəlləmiş olursunuz.
Mixək
Mixək ağcaqanadlar tərəfindən heç sevilməyən ədviyyatdır. İstifadə üçün 25-50 ədəd mixək, 2 ədəd limona ehtiyacınız var. Limonu ortadan kəsib iki yerə bölün. Bir hissəsinə mixək vurub qaba yerləşdirin. Bu üsulla ağcaqanadlar uzaqlaşacaq.
Aysel Yaqubqızı / Metbuat.az
Azərbaycanda üç məşhur xanım vəfat etdi - Son 2 ayda... Oxumaq üçün tıkla |
