“Boko Haram” terror qruplaşmasının silahlıları Nigeriyanın şimal-şərqindəki Baqa şəhərində azı 100 nəfəri qətlə yetirib. APA-nın “TASS”-a istinadən verdiyi xəbərə görə, hücum çərşənbə günü gecə saatlarında törədilib.
Qeyd edək ki, yanvarın 4-də “BBC” Baqa şəhərinin və orada olan hərbi bazanın silahlıların nəzarətinə keçməsi barədə məlumat yaymışdı.
Məlumata görə, “Boko Haram” silahlılarının hücumu zamanı çoxlu sayda dinc sakin ölüb, şəhər yandırılıb. Şəhər sakinləri şəhərdən qaçaraq qonşu Çada üz tutub.
