Lənkəran. 20 sentyabr. REPORT.AZ/ Lənkəran rayonunda yerli sakin avtobusdan yıxılaraq ağır xəsarət alıb.
"Report"un Cənub bürosunun məlumatına görə, rayonun Ləj kəndindən şəhər istiqamətində hərəkətdə olan sərnişin avtobusu Aeroport yaxınlığında saxlayıb vəsərnişin düşürüb. Sərnişinlərdən biri Bağdagül Qasımova avtobusdan düşərkən yıxılıb və ağır xəsarət alıb.
Yaralı dərhal Lənkəran Rayon Mərkəzi Xəstəxanasına yerləşdirilib.
Xəstəxanadan "Report"un yerli bürosuna bildirilib ki, yaralı kəllə-beyin travması alıb, vəziyyəti ağırdır.