Bakı. 20 sentyabr. REPORT.AZ / Avropa İttifaqının (Aİ) Siyasət və Təhlükəsizlik üzrə Komitəsinin nümayəndə heyəti Azərbaycana səfər edəcək.
"Report" xəbər verir ki, bu barədə Avropa İttifaqının Azərbaycandakı nümayəndəliyinin yeni rəhbəri Kestutis Yankauskas bildirib.
Səfir qeyd edib ki, nümayəndə heyətinin tərkibinə Aİ-nin Siyasət və Təhlükəsizlik üzrə Komitəsinə 28 üzv ölkənin səfirləri daxildir və nümayəndə heyəti oktyabrın 3-də Bakıya gələcək: "Səfər zamanı Azərbaycan və Avropa İttifaqı arasında əməkdaşlıq məsələləri, o cümlədən siyasi və təhlükəsizlik sahəsində əməkdaşlıq müzakirə olunacaq".
