Kremlin sözçüsü Dmitri Peskov amerikalı aktyor Morqan Frimanın iddialarına cavab verib.
Publika.az xəbər verir ki, sözçü aktyorun həddən artıq romantik və duyğu yüklü olduğunu deyib.
D.Peskov Rusiyanın əleyhinə çəkilmiş təxribat videosunda yer alan və Rusiya prezidenti Vladimir Putinin SSRİ-nin çöküşünə görə ABŞ-dan qisas almaq üçün hakimiyyətə gəldiyi iddiasını absurd hesab edib:
“Bildiyiniz kimi, incəsənətlə bağlı olan insanlar çox tez təslim olar. Yəni həddən artıq duyğu ilə yüklənməyin qurbanı olar. Hadisələrin real vəziyyəti ilə bağlı real bilgilərə sahib olmazlar və duyğularının qurbanına çevrilərlər”.