2034-cü ildən sonra qaz dünyada əsas enerji mənbəyi olacaq

2034-cü ildən sonra qaz dünyada əsas enerji mənbəyi olacaq
21:02 20 Sentyabr 2017
Ölkə mətbuatı
A- A+

Moskva. 20 sentyabr. REPORT.AZ/ Dünyada yeraltı enerji ehtiyatlarının enerji mənbələrində xüsusi çəkisi 2050-ci ilə kimi 50%-ə qədər azalacaq, amma 2034-cü ildən etibarən təbii qaz əsas enerji mənbəyinə çevriləcək. 
"Report" TASS agentliyinə istinadən xəbər verir ki, belə bir açıqlama Rusiyanın təbii ehtiyatlar və ekologiya naziri Sergey Donskoy tərəfindən Tümendə keçirilən neft-qaz forumunda verilib.
"Enerji mənbələrinin diversifikasiya edilməsinə baxmayaraq, ekspertlərin fikrincə, 2050-ci ilə kimi, yeraltı enerji mənbələrinin xüsusi çəkisi 80%-dən 50%-ə enəcək. Neft və qazın payı 44% təşkil edəcək. Hazırda isə bu göstərici 53%-ə bərabərdir",- deyə nazir açıqlamasında deyib.
"Rusiyanın əsas neft- qaz hövzələri olan Qərbi Sibir, Volqa-Ural, Şərqi Sibir kimi bölgələrdə istismar son həddə yaxınlaşıb. Bu bölgələrdə iri yataqların aşkar edilməsi faktiki olaraq imkansızdır. Yeni iri yataqların Sibirin şimalında və kontinental şelfdə aşkarlanması ehtimalı isə yüksəkdir", - Sergey Donskoy bildirib. 

Xəbərin orijinal ünvanı: https://report.az/energetika/2034-cu-ilden-sonra-qaz-dunyada-esas-enerji-menbeyi-olacaq

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR