Mosul və Təlafəri terror təşkilatı İŞİD-dən təmizləyən İraq orudusu terrorçuların zəbt etdiyi Kərkükün Havicə bölgəsinə doğru hərəkətə keçib.
Metbuat.az xəbər verir ki, İraqda işğal etdiyi torpaqların çoxunu itirən terror təşkilatı İŞİD-ə daha bir ağır zərbə vurulub. İraq Silahlı Qüvvələri gecə yarısı Kərkükün qərbindəki Havicəyə doğru hücuma keçib.
İraq baş naziri Heydər əl-İbadi dünən Havicənin şimalındakı Mahmuru ziyarət etmiş və əməliyyat siqnalı vermişdi.
Havicə də Mosul kimi 2014-cü ildə terror təşkilatının nəzarətinə keçib.
Qeyd edək ki, Kərkükdə vəziyyət çox ağırdır.
İraq Kürdüstan Regional Höküməti prezidenti Məsud Bərzaninin müstəqillik referendumu həmləsi hər an toqquşmalara səbəb ola bilər.
Aysel Yaqubqızı / Metbuat.az