“Qəbələ” nigeriyalı hücumçu transfer edib

“Qəbələ” nigeriyalı hücumçu transfer edib
16:17 21 Sentyabr 2017
94 İdman
Ölkə mətbuatı
A- A+

Bakı. 21 sentyabr. REPORT.AZ/ “Qəbələ” klubu heyətinə daha bir futbolçu qatıb. “Report” əyalət təmsilçisinin rəsmi saytına istinadən xəbər verir ki, “qırmızı-qaralar” nigeriyalı hücumçu Ekiqo Ehiosunla güclənib.
Azad agent statusu ilə komandaya qoşulan 27 yaşlı futbolçu 1 illik müqaviləyə imza atıb.
Qeyd edək ki, 2014/15 mövsümündə icarə əsasında “Qəbələ”də çıxış etmiş Ekiqo Ehiosun “qırmızı-qara” formada 32 oyuna 6 qol vurub. Bütün qollarını çempionatda vuran legioner Premyer Liqada 29, ölkə kubokunda 3 matça çıxıb.
Azərbaycana ilk gəlişinədək vətənində “Varri Volves” (2008-2011), Türkiyədə “Samsunspor” (2011-2012) və “Gənclərbirliyi” (2012-2015) klublarında çıxış edib. 2013-2014-cü illərdə “Samsunspor”, 2014-2015-ci illərdə “Qəbələ”yə icarəyə verilən Ekiqo 2 il öncə Türkiyəyə qayıdıb. O, “Samsunspor” (2015-2016) və “Qaziantep BB” (2016) komandalarında çıxış edib.
Ehiosun 2011-ci ildə debüt etdiyi Nigeriyanın əsas yığmasında 6 oyun keçirib və 1 qol vurub.

Xəbərin orijinal ünvanı: https://report.az/futbol/qebele-nigeriyali-hucumcu-transfer-edib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR