Beynəlxalq Qırmızı Xaç Komitəsi (BQXK) İraqda İŞİD-dən
azad olunmuş ərazilərdə qalan azərbaycanlılara baş
çəkir.
Bu barədə Publika.az-a BQXK-nin Bakı
nümayəndəliyinin ictimaiyyətlə əlaqələr şöbəsinin rəhbəri İlahə
Hüseynova deyib.
İ.Hüseynova qeyd edib ki, hazırda İŞİD-dən azad olunmuş ərazilərdə
qalan azərbaycanlıların qeydiyyatı aparılır.
“Bizim mandatımızın bir hissəsi də ailə əlaqələrinin bərpa
olunmasıdır. Amma orada nə qədər azərbaycanlının olduğu və son
vəziyyətlə bağlı konkret cavab vermək mümkün deyil. Bu işi birbaşa
BQXK-nin İraq nümayəndəliyi həyata keçirir. Həmçinin, orada təkcə
azərbaycanlılar yox, müxtəlif millətlərin nümayəndələri var. Komitə
bütün insanların taleyilə məşğuldur”, - deyə o bildirib.
Asif
