Bakı. 23 sentyabr. REPORT.AZ/ Bakının Yasamal rayonunda sərnişin avtobusu gənc oğlanı vuraraq ona ağır xəsarət yetirib.
"Report"un xəbərinə görə, Füzuli küçəsində yolu keçən 1991-ci il təvəllüdlü Piriyev Elxan Eynulla oğlunu 65 saylı marşrut xətti üzrə hərəkət edən sərnişin avtobusu vurub.
Xəsarət alan şəxs xəstəxanaya yerləşdirilib. Həkimlər onun vəziyyətini ağır kimi qiymətləndirir.
Faktla bağlı Yasamal Rayon Polis İdarəsində araşdırma aparılır.
