"Səbail" klubu futbol üzrə Azərbaycan Premyer Liqasında ikinci qələbəsini qazanıb.
Publika.az xəbər verir ki, Samir Əliyevin baş məşqçisi olduğu kollektiv VI turda "Dalğa Arena"da "Kəpəz"i məğlubiyyətə uğradıb - 1:0.
Yeganə qolu 60-cı dəqiqədə Elman Taqayev vurub. Bununla da "Səbail" xallarını 6-ya yüksəldərək, 6-cı pillədə möhkəmlənib.
Bir xala malik "Kəpəz" isə sonuncu pillədə qalıb.
Qeyd edək ki, "Səbail" ilk qələbəsini II turda "Neftçi" üzərində qazanıb - 1:0.
