Bakı. 24 sentyabr. REPORT.AZ/ Filippində 5,7 bal gücündə zəlzələ olub.
"Report" "Gazeta.ru"ya istinadən xəbər verir ki, bu barədə Avropa Aralıq dənizi Seysmoloji Mərkəzi (EMSC) məlumat yayıb.
Bildirilir ki, zəlzələnin episentri Budta şəhərindən 80 kilometr şimal-şərqdə yerləşib. Hələlik tələfat və ya dağıntılar barədə məlumat verilmir.
Qeyd edək ki, daha əvvəl Meksikada da 5,5 bal gücündə növbəti zəlzələnin olması barədə xəbər verilib.