Türkiyə Super Liqasında mövsümün ilk İstanbul derbisi baş tutub. Fanat.Az xəbər verir ki, ötən axşam "Fənərbaxça" "Beşiktaş"ı qəbul edib.
Oyun meydan sahiblərinin 2:1 hesablı qələbəsi ilə yekunlaşıb. "Fənərbaxça" hər iki qolu penaltidən vurub. 20-ci dəqiqədə Giuliano, 86-cı dəqiqədə Vinsent Yanssen zərbəni dəqiq yerinə yetirib. "Beşiktaş"ın qoluna isə 87-ci dəqiqədə Rayan Babel imza atıb.
Oyunda 5 qırmızı vərəqə qeydə alınıb. "Fənərbaxça"dan Luis Neto (45-ci dəqiqə) və İsmail Köybaşı (88), "Beşiktaş"dan Rikardo Kuareşma (43), Atiba (85) və Oğuzhan Özyakup (90) meydandan qovulub.
Qeyd edək ki, 6 turdan sonra "Beşiktaş" 13 xalla "Qalatasaray"la 1-2-ci pillələri bölüşür. "Cim-Bom" VI turun oyununu bu gün səfərdə "Bursaspor"a qarşı keçirəcək. "Fənərbaxça" isə 11 xalla 3-cü pilləni tutur.
Fanat.Az