Şabranda 5000 illik TAPINTI

Şabranda 5000 illik TAPINTI
15:03 24 Sentyabr 2017
94 Digər
Ölkə mətbuatı
A- A+

Azərbaycanda 5000 illik tarixə malik qazma tipli evlər aşkarlanıb.

Kür-Araz mədəniyyətinə aid abidə Şabran rayonu, Aygün kəndi ərazisində Çaqqaltəpə abidəsində aparılan arxeoloji qazıntılar zamanı tapılıb. Azərbaycan Milli Elmlər Akademiyasının Arxeologiya və Etnoqrafiya İnstitutunun Şabran arxeoloji ekspedisiyasının rəisi Səfər Aşurovun verdiyi məlumata görə, ərazidə 3 təpə var və onların hər biri eramızdan əvvəl (e.ə) IV minilliyin sonu III minilliyin əvvəlinə aiddir.

S.Aşurovun sözlərinə görə, hazırda tədqiqatlar aparılan abidə şimal bölgəsində ən qədim abidədir: "Ərazidə 5 ədəd qazma tipli ev tapılıb. Bu tipli evlər Azərbaycanda öyrənilməyib. Qazıntı işləri zamanı abidənin ərazisində küplər və saxsı qablar aşkarlanıb. Ekspedisiya rəhbərinin sözlərinə görə, bu da abidənin tarixini müəyyənləşdirməyə kömək edən amillərdəndir. Abidənin digər xüsusiyyəti çaxmaq daşından olan alətlər əksəriyyət təşkil etməsidir. Bu alətlərin çoxu da ox uclarından ibarətdir. Bu hal sübut edir ki, e.ə IV minilliyin sonu III minilliyin əvvəli yerli əhali ovçuluqla da məşğul olub".

Ərazidə aşkar edilən 3 təpədən 2-Si dövlət tərəfindən qorunan abidələr siyahısına salınıb. 3-cü təpənin də bu siyahıya salınması üçün işlər aparılır.


Xəbərin orijinal ünvanı: http://publika.az/news/maraqlitarix/146853.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR