Zaqatalada meşə yanğını söndürülüb

Zaqatalada meşə yanğını söndürülüb
09:44 25 Sentyabr 2017
69 Digər
Ölkə mətbuatı
A- A+

Zaqatalada yüksək dağlıq-meşəlik ərazidə baş verən yanğın tam söndürülüb.

 

 

APA-nın Şəki-Zaqatala bürosunun məlumatına görə, sentyabrın 24-də saat 18:10 radələrində Böyük Qafqaz sıra dağlarının cənub ətəyində, Ekologiya və Təbii Sərvətlər Nazirliyinin Zaqatala Meşə Mühafizəsi və Bərpası Müəssisəsinin Tala meşəbəyliyinin 3 saylı dolayının yüksək dağlıq ərazisində başlayan yanğın bu gün saat 06:45 radələrində tam söndürülüb. Yanğın nəticəsində 3 hektar dağlıq-meşəlik ərazidə xəzəl, kol-kos, quru ot, qurumuş ağac budaqları və qismən qurumuş ağaclar yanıb. Yanğının söndürülməsində Fövqəladə Hallar Nazirliyinin (FHN) Zaqatala rayon Dövlət Yanğından Mühafizə Hissəsinin texnikaları və şəxsi heyətləri, ETSN-in Zaqatala Meşə Mühafizəsi və Bərpası Müəssisəsinin əməkdaşları və yerli sakinlər iştirak edib. Yanğın zamanı xəsarət alan olmayıb.

 

 

Faktla bağlı araşdırma aparılır. 


Xəbərin orijinal ünvanı: http://news.lent.az/news/284133

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR