"Valensiya"nın baş məşqçisi Marselino Qarsianın sevinci başına bəla olub. Fanat.Az xəbər verir ki, komandasının qoluna sevinən mütəxəssis zədə alıb.
La Liqanın VI turunda "Real Soseydad"la matçın 85-ci dəqiqəsində - hesab 2:2 olarkən Simon Zaza fərqlənərək komandasını önə keçirib. Qarsia qola elə sevinib ki, sol ayağından zədə alıb.
52 yaşlı mütəxəssis oyundan sonra hadisəyə zarafatla reaksiya verərək "Zədələnən mən olduğum müddətdə problem yoxdu. Əzələm çox ağrıyır. Bu kimi vəziyyətilərdə özümə daha yaxşı nəzarət etməyi öyrənməliyəm".
Qeyd edək ki, 3:2 hesablı qələbə qazanan "Valensiya" "Real"ı geridə qoyaraq turnir cədvəlinin 4-cü pilləsinə yüksəlib.
Fanat.Az
