Rusiyada ağır yol nəqliyyat hadisəsi baş verib.
Publika.az xəbər verir ki, ölkənin Krasnodar vilayətində M-4 “Don” avtomagistralında turist avtobusu yol kənarında hərəkətsiz dayanan yük maşınına çırpılıb.
İlkin səbəb olaraq qəzaya avtobus sürücüsünün idarəetməni itirməsi göstərilib.
Hadisə nəticəsində 6 nəfər qəza yerində dünyasını dəyişib. Daha 20 nəfər isə müxtəlif bədən xəsarətləri ilə xəstəxanaya çatdırılıb.
Onların vəziyyəti barədə heç bir məlumat verilməyib.
Avtobusun Nijni-Novqorod şəhərinə sərnişin apardığı deyilir. Polis hadisə yerində araşdırmalara davam edir. Qəzanın səbəbləri müəyyənləşdirilir.
Könül Cəfərli