Bakı. 26 sentyabr. REPORT.AZ/ Azərbaycanda 3 yaşınadək uşağı təkbaşına böyüdən kişilərə ictimai işlər tətbiq olunmayacaq.
“Report”un xəbərinə görə, bununla bağlı Cinayət Məcəlləsinin 77-ci (İctimai işlər) maddəsinə dəyişiklik edilir.
Hazırki qanunvericiliyə əsasən, himayəsində 8 yaşınadək uşağı olan qadınlara ictimai işlər tətbiq olunmur.
Dəyişiklik layihəsində yaş həddi 3-ə endirilir. Bundan əlavə, 3 yaşınadək uşağı təkbaşına böyüdən kişilərə də ictimai işlərin tətbiq olunmaması qeyd edilir.