Skoda şirkəti Frankfurt-2017 avtosalonunda konseptual yolsuzluq avtomobili Vision E Concept-in təkmilləşdirilmiş versiyasını təqdim edib.
Milli.Az auto.az-a istinadən bildirir ki, Şanxay avtosalonunda təqdim edilmiş prototipdən fərqli olaraq, daha çox təkmilləşdirilmiş krossover Skoda Vision E Concept seriyalı avtomobilə bənzəyir.
Bundan əlavə, Skoda Vision E Concept Çexiya brendinin ilk elektrikli nəqliyyat vasitəsidir. O, 3-cü mərhələ avtonom idarəetmə sistemi ilə təchiz olunub. Tam dolu enerji ilə 500 km məsafə qət edə bilir.
Skoda Vision E Concept iki elektrik mühərrikindən qidalanır. Ümumi güc 302 (306) a.g.-dür. Dartma qüvvəsi dörd təkərin hamısına ötürülür. Avtomobilin maksimal sürəti 180 km/saatdır.
Hər iki konseptin texniki hissəsi bənzərdir. Yalnız xarici görünüşdə fərq var. Məsələn, Frankfurt-2017-də təqdim edilmiş krossover Skoda Vision E Concept-in yeni 2 üçkünc barmaqlığı olan qabaq paneli var, bamperlər qara rəngdə işlənib, o cümlədən yeni təkərlər alıb.
Milli.Az
