Baku.ws SOCAR-ın Bakı şəhərinin Nərimanov rayonunda Heydər Əliyev prospektində yerləşən yeni inzibati binasında faciəvi şəkildə ölən işçinin fotosunu əldə edib.
Milli.Az xəbər verir ki, binanın liftində təmir işləri aparan 1991-ci il təvəllüdlü Əhmədov Orxan Şəhrab oğlunun yaxınları sözügedən sayta foto və məlumat veriblər.
Məlumata görə, Orxan Əhmədov binanın 33-cü mərtəbəsində iş görərkən yıxılıb.
"Hadisə axşam saatlarında baş verib. Orxan iş yoldaşına deyib ki, yuxarıda işi var, həll edib gəlir. Liftdə işləyərkən sürüşüb və 33-cü mərtəbədən aşağı düşüb", - deyə mərhumun yaxınları qeyd edib.
Hadisə yerinə gələn FHN-nin xüsusi Riskli Xilasetmə Xidmətinin xilasediciləri O.Əhmədovun cəsədini şaxtadan çıxararaq aidiyyəti üzrə təhvil veriblər.
Milli.Az
