İkiqat Olimpiya çempionu, sabiq gimnast, ukraynalı Tatyana Qutsu sabiq SSRİ yığmasında komanda yoldaşı olmuş belorus Vitali Şerbonu təcavüzdə suçlayıb.
Milli.Az bildirir ki, T.Qutsu bunu Facebook-dakı profilində yazıb.
"Artıq qorxmuram və deyirəm ki, məni 1991-ci ildə, Almaniyanın Ştutqart şəhərində keçirilən yarış zamanı zorlayıblar. Vitali Şerbo bu qədər illər ərzində öz qorxularımın əsirliyində olmağımın səbəbkarı, monstrdır. Sən artıq məni sındıra bilməzsən", - T.Qutsu yazıb.
Onun sözlərinə görə, sovet komandasındakı digər idmançılar ona yardım etməyiblər.
"Özümə rəfiqə hesab etdiyim Tatyana Toropova - sənə minnətdaram ki, dayağına, yardımına o qədər ehtiyac duyduğum zaman cəsarətli davranmadın. Rüstəm Şarimov, çox sağ ol ki, dostunu elə müdafiə etdin, mənə, 15 yaşlı balaca qıza yardım etmədin", - ukraynalı gimnast yazıb.
45 yaşlı V.Şerbo 6 dəfə Olimpiya çempionu olub, gimnastika üzrə SSRİ-nin əməkdar idman ustası, 4 dəfə dünya çempionu olmuş şəxsdir.
Milli.Az