Suriyanın Deyrizor şəhərində Əsəd rejiminin
komandirlərindən general İsam Zahreddin İŞİD tərəfindən döşənən
minanın partlaması nəticəsində ölüb.
Publika.az xəbər verir ki, 56 yaşlı suriyalı general Sakr
Adası bölgəsində avtomobili ilə gedərkən minaya düşüb.
Suriya telekanalları Zahreddinin ölümünün Əsəd rejiminin son
dövrlərdə ən böyük itkisi adlandırıb.
Qeyd edək ki, İ.Zahreddin Əsədin “Aslan gücləri” xüsusi qrupunun
rəhbərlərindən idi. O, zaman-zaman mülki şəxsləri qətlə yetirməsi
ilə gündəmə gəlib.
Asif
