Ermənistan hakimiyyətinin daxilində razılaşma əldə
olunub.
Publika.az xəbər verir ki, prezident Serj Sarkisyan
Cenevrədə Azərbaycan Prezidenti İlham Əliyevlə görüşdən qayıdandan
sonra baş nazir Karen Karapetyanla razılaşıb.
“Jamanak” qəzeti yazır ki, Sarkisyan 2018-ci ildə baş nazir, Karen
Karapetyan isə baş nazirin müavini olacaq.
“Sarkisyan Cenevrə görüşündən qayıdandan sonra Karapetyanı
inandırmağı bacardı ki, o, baş nazir, Karen isə baş nazirin müavini
olsun. Sarkisyan Karapetyana bildirib ki, Dağlıq Qarabağ münaqişəsi
ilə bağlı qərar qəbul etmək baş nazirin səlahiyyətlərinə daxil
olacaq, baş nazirin müavini olacaq Karapetyan üçün isə heç nə
dəyişməyəcək. Ona hökumətin iclasını keçirmək, kadr islahatları
aparmaq və hökumət binasına rəhbərlik etmək səlahiyyəti veriləcək.
Sarkisyan isə baş nazir olaraq Baqramyan 26-da (Ermənistan
prezidentinin qərargahı - red.) oturacaq. İndi Ermənistanın yeni
prezidenti üçün iqamətgah axtarırlar. İstisna deyil ki, yeni
seçiləcək prezident Sarkisyanla birgə prezident iqamətgahında
oturacaq”, - deyə qəzet yazıb.
Asif
