Bədavi azı 3 həftə oynamayacaq -

Çempionlar Liqasının qrup mərhələsində dünən "Atletiko" ilə oyunda zədələnən "Qarabağ"ın futbolçusu Bədavi Hüseynovun durumu ciddidir.

Bu barədə Metbuat.az-a klubun mətbuat xidmətinin rəhbəri Nurlan İbrahimov məlumat verib.

Onun sözlərinə görə, müdafiəçi ən azı 3 həftə meydana çıxa bilməyəcək:

"Bədavinin ayaq bağlarında problem var. Üç həftə meydana çıxa bilməyəcək. Bundan sonra təkrar müayinə olunacaq və ona dəqiq diaqnoz qoyulacaq".

Beləliklə, millimizin də aparıcı üzvü olan Hüseynov Topaz Premyer Liqanın bir neçə oyununu və oktyabrın 31-də "Atletiko" ilə səfər matçını buraxmalı olacaq.


Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR