“Suriyada artıq İŞİD-dən sonrakı mərhələyə keçilir və
masada Türkiyədə də var”.
Publika.az xəbər verir ki, bu barədə türkiyəli professor
Nurşin Ateşoğlu Güney ABŞ prezidenti Donald Trampın PKK/PYD-ni
müttəfiq elan etməsini şərh edərkən deyib.
N.Güney diqqəti ABŞ-ın PKK/PYD-yə verdiyi silahlara çəkib: “İndiyə
qədər 3 min 500 TIR silah terror təşkilatına verilib. Normalda
İŞİD-lə mübarizə üçün verilən bu silahlar geri alınmalıdır, amma
ABŞ bunu etməyəcək. Əslində Trampın “Suriyada artıq başqa bir
mərhələyə keçilir” deməsi gələcəkdə baş verəcək proseslərə
işarədir. Başqa mərhələ dedikdə İŞİD-dən sonra şəhərlərin yenidən
qurulması ağıla gələ bilər. Amma ABŞ bu işdə olmadığını deyir.
Suriyada İŞİD-lə mübarizə adı altında ABŞ və Rusiya arasında
vəkalət müharibəsi gedirdi. İŞİD məğlub edildi, amma Vaşinqton və
Moskvanın müharibəsi başa çatmayıb”.
Türkiyəli professor qeyd edir ki, Ankara ABŞ-ın İraq və Suriyanın
şimalından Aralıq dənizinə çıxacaq PKK/PYD dəhlizi layihəsinə zərbə
vurdu, lakin bunun qarşısı tamamilə alınmayıb.
“Türkiyənin “Fərat qalxanı” və İdlib əməliyyatları dəhliz
layihəsinə maneə oldu. Lakin bu planın başa çatdığını deyə
bilmərik. Bunlar uğurlu həmlələrdir, ABŞ və Rusiya ilə yanaşı,
Türkiyə və İran kimi regional güclərin razılığı olmadan bölgənin
xəritəsini dəyişdirmək mümkün olmayacaq. Türkiyə bu həmlələrilə
bundan sonra Suriya ilə bağlı masada yerini aldı”, - deyə o
bildirib.
Asif
