Milli.Az CTV-yə (Region tv-yə ) istinadən bildirir ki, güclü qarın yağması Cəlilabad rayonunda bir sıra çətinliklərə yol açıb. Yolların buz bağlaması kəndlərlə rayonun əlaqəsin məhdudlaşdırıb. Dağətəyi ərazilərdə yerləşən 3 kənddə isə elektrik enerjisnin verilişi kəsilib.
Əsasən dağlıq ərazilərdən keçən Cəlilabad-Yardımlı avtomobil yolunun qarla örtülməsi yolda qəzalara da səbəb olub. Bəzi avtomobillər isə sərt döngələrdə köməksiz vəziyyətdə qalıb.
Qarın yağması rayonun Ucqar dağ kəndlərində elektrik naqillərinin qırılmasına və dirəklərin aşmasına da səbəb olub. Nəticədə rayonun Adnalı, Babaxanlı, Şatırlı, Badamağacı və Buravar kəndlərinə elektrik enerjisinin verilməsi dayandırılıb.
Bundan başqa təbii fəlakət nəticəsində kəndlə internet əlaqəsi də kəsilib.
Axşam saatlarnda qar daha da intensivləşib. Ən son məlumatlara görə, Cəlilabad- Yardımlı avtomobil yolu tamamilə bağlanıb. Hazırda 20-dən yuxarı kəndin rayon mərkəzi ilə əlaqəsi kəsilib. Yağan qarın hündürlüyü Cəlilabad rayonunun dağlıq ərazilərində 30, düzən ərazilərə isə 7 sm-ə çatıb. Hazırda qarın yağması davam edir.
Milli.Az