Çexiyada prezidentlə səfir arasında qalmaqal

Çexiyada prezidentlə səfir arasında qalmaqal
10:32 6 Aprel 2015
47 Dünya
Ölkə mətbuatı
A- A+

Çexiya prezidenti Miloş Zeman ona Rusiyadakı Qələbə Paradına getməməyi məsləhət görən ABŞ səfirinə sərt etirazını bildirib
APA-nın RBK-ya istinadən verdiyi məlumata görə, M. Zeman öz iqamətgahının qapılarının bundan sonra səfir Endrü Şapiro üçün bağlı olacağını söyləyib. “Təsəvvür etmirəm ki, Çexiyanın Vaşinqtondakı səfiri Amerika prezidentinə hara getmək lazım olduğu barədə məsləhət versin. Mən heç bir səfirin mənim xarici səfər planlarıma müdaxilə etməsinə imkan vermərəm”, - deyə M. Zeman söyləyib.

Qeyd edək ki, ABŞ-ın Praqadakı səfiri Endrü Şapiro Çexiya prezidentinin Moskvadakı təntənəli tədbirlərdə iştirakının Qərbin Ukrayna ilə bağlı vahid mövqeyini sarsıdacağını bəyan edib. M. Zeman və Yunanıstanın baş naziri Aleksis Tsipras mayın 9-da Moskvada keçiriləcək Qələbə Paradına qatılacaq yeganə Qərb liderləri olacaq.

Milli.Az


Xəbərin orijinal ünvanı: http://news.milli.az/world/333013.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR