[ 06 Aprel 2015 12:56 ]
Bakı. Vüsal Nəbiyev - APA-Economics. ABŞ-ın Azərbaycanda yeni təyin olunmuş səfiri Robert Sekuta Azərbaycanda fəaliyyət göstərən Amerika Ticarət Palatasının (“AmCham”) təşkil etdiyi aylıq işgüzar naharda iştirak edib.
Bu barədə “APA-Economics”ə “AmCham”dan məlumat verilib.
R. Sekuta palatanın üzvləri qarşısında çıxış nitqində özəl və dövlət sektorları arasında qarşılıqlı əməkdaşlığın əhəmiyyəti və iki ölkə arasındakı münasibətlərin gələcək perspektivlərindən danışıb: “Azərbaycan və ABŞ, o cümlədən Azərbaycanla dünya ölkələri arasında mövcud olan iqtisadi əlaqələr çox böyük potensiala malikdir. Bizim özəl sənayeyə olan güvənimiz Azərbaycanla əlaqələrimizin hərəkətverici qüvvəsidir”.
