Bakı. 6 aprel. REPORT.AZ/ Rusiyaya məxsus Xəzər Dəniz Donanmasının desant katerləri dəstəsi Xəzər poliqonlarında təlimlərə başlayıb. Bu barədə "Report" "RİA Novosti"yə istinadən xəbər verir.
Təlimlər zamanı dənizçilər şərti rəqib tərəfindən silah istifadə edilməsi təhlükəsi altında dəniz manevrlərinin müxtəlif elementlərini yerinə yetiriblər.
Bu zaman təlimlər dəniz piyadalarının şəxsi heyəti və texnikası cəlb olunmadan keçirilib, lakin hərbi təlimlərin növbəti mərhələsi dəniz piyadalarının katerə minməsi və sahilə enməsi üzrə birgə təlimlərdən ibarət olacaq.
