Ukraynalı Mariya Muzıçuk şahmat üzrə dünya çempionu adını qazanıb

Ukraynalı Mariya Muzıçuk şahmat üzrə dünya çempionu adını qazanıb
15:13 6 Aprel 2015
61 İdman
Ölkə mətbuatı
A- A+


Kiyev, 6 aprel, AZƏRTAC 
AZƏRTAC Ukrinforma istinadla xəbər verir ki, 22 yaşlı ukraynalı Mariya Muzıçuk qadınlar arasında şahmat üzrə 15-ci dünya çempionu olub.
Lvov vilayətinin Strıy şahmat məktəbinin yetirməsi Soçidə (Rusiya) dünya birinciliyinin finalının yekun dördüncü partiyasında rusiyalı Natalya Poqonina ilə heç-heçə oynayıb. Finalın Mariya Muzıçukun xeyrinə 2,5-1,5 yekun hesabı ona dünya çempionu titulu gətirib.
Mariya finala gedən yolda Kanadanı təmsil edən Yuanlin Yuana (2,5:1,5), polşalı Monika Soçkoya (3:1), bolqarıstanlı Antoaneta Stefanovaya (1,5: 0,5), habelə Hindistan təmsilçilləri Hampi Konerə (2,5:1,5) və Dronavalli Harikuya (3,5: 2,5) qalib gəlib.
Qalib dünya çempionatının 450 min ABŞ dolları həcmində mükafat fondundan 60 min dollar alacaq.
Beləliklə, Mariya Muzıçuk xarkovlu Anna Uşeninadan sonra qadınlar arasında şahmat üzrə ikinci ukraynalı dünya çempionu olub. A.Uşenina dünya şahmat tacına 2012-ci ildə daçıyıb.
Zeynal Ağazadə
AZƏRTAC-ın xüsusi müxbiri
Kiyev


Xəbərin orijinal ünvanı: http://azertag.az/xeber/Ukraynali_Mariya_Muzichuk_sahmat_uzre_dunya_chempionu_adini_qazanib-843888

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR