Bakı, 6 aprel, AZƏRTAC
Biləsuvar Gömrük İdarəsinin “Qoşa Təpə” gömrük postunda İran İslam Respublikasından Azərbaycana piyada gələn Malik Əzizovun üzərində şəxsi yoxlama aparılıb.
Dövlət Gömrük Komitəsindən AZƏRTAC-a bildiriblər ki, yoxlama zamanı M.Əzizovun daxili orqanından 2 ədəd bükümdə ümumi çəkisi 9,621 qram olan narkotik vasitə - heroin aşkar edilib.
Fakt üzrə təhqiqat aparılır.