Play Store

Xərclərini öz gəlirləri hesabına təmin edəcək - Rayon və şəhərlər

Gələn ildən Azərbaycanın 33 rayon və şəhəri xərclərini öz gəlirləri hesabına təmin edə biləcək.

Bunu maliyyə nazirinin müavini Azər Bayramov Milli Məclisin İnsan hüquqları, Regional məsələlər, Hüquq siyasəti və dövlət quruculuğu, Mədəniyyət, Gənclər və idman komitələrinin birgə iclasında "Azərbaycan Respublikasının 2018-ci il dövlət büdcəsi haqqında" qanun layihəsinin müzakirəsi zamanı deyib.

Nazir müavini bildirib ki, 2018-ci ildə dövlət büdcəsinin yerli gəlirləri 621 milyon manat proqnozlaşdırılır: "Bu, cari ilin proqnoz göstəricisini 4 faiz üstələyir. Yerli xərclər isə 424 milyon manat və ya 2017-ci illə müqayisədə 3 milyon manat çox proqnozlaşdırılır".

A.Bayramov qeyd edib ki, bu məbləğdən 10,1 faiz yerli xərclərin tənzimlənməsi üçün nəzərdə tutulan dövlət büdcəsinin mərkəzləşdirilmiş xərclərindən maliyyə dəstəyinə düşür: "Bu, cari ilin göstəricisindən 0,2 faiz bəndi aşağıdır. Maliyyə dəstəyinin faktiki məbləği bir milyon manat azalaraq 73 milyon manat təşkil edəcək. Burada öz xərclərini öz gəlirləri hesabına təmin edəcək 33 rayon və şəhər nəzərdə tutulmur". //Trend

Əməkdar artistin çəkiliş zamanı ürəyi dayandı... - FOTO - Oxumaq üçün tıkla


Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR