Bakıda üç avtobusun toqquşması ilə bağlı yeni xəbər

Bakıda üç avtobusun toqquşması ilə bağlı yeni xəbər
11:56 7 Aprel 2015
67 Ölkə
Ölkə mətbuatı
A- A+

Ötən gün Bakıda baş verən avtobus qəzasında ölən əslində sürücü yox, konduktor olub.

Bu barədə "İqafqaz" MMC-nin direktoru İsmayıl Maqsudov ANS PRESS-ə məlumat verib. Onun sözlərinə görə, hadisə "Meyvəli" bazarının yanında olub.

Həmin ərazidə "Mercedes" markalı mikroavtobus Rafət Babayevin idarə etdiyi “Daewoo” markalı, 194 saylı sərnişin avtobusa çırpılıb. Sürücülər və sərnişinlər aşağı düşüb dalaşarkən arxadan gələn minik maşını “Mercedes” markalı avtobusa çırpılıb.

Daha sonra Cahid Babayevin idarə etdiyi “Daewoo” markalı, 211 nömrəli sərnişin avtobusu insanların toplaşdığı əraziyə girib.

Qəza nəticəsində 194 saylı sərnişin avtobusunda konduktor işləyən Polad İsmayıl oğlu Nuriyev ağır xəsarət alıb. Onu ağır vəziyyətdə xəstəxanaya aparıblar. Lakin həkimlər onun həyatını xilas edə bilməyiblər.

Hadisəni törədən Cahid Babayev saxlanılıb.

Faktla bağlı araşdırma aparılır.
Mənbə
ANS PRESS



Xəbərin orijinal ünvanı: http://anspress.com/index.php?a=2&lng=az&cid=9&nid=336363

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR