Xalq artisti Tariyel Qasımov sənətdə çəkdiyi çətinliklərdən danışıb. Aktyor atasının ona qoyduğu qadağanı illər sonra Milli.Az oxucuları ilə bölüşüb.
"Mən aktyorluğa sənədlərimi verəndə bizim evdə böyük qalmaqal oldu. Atam anamla dalaşdı ki, bu cür oğul böyütməzlər. Çünki mən özbaşına idman universitetini tərk edib, sənədlərimi aktyorluğa vermişdim. Atam aktyor olmağıma görə mənimlə uzun illər danışmadı. 4 il tələbə yoldaşım Şahmar Ələkbərovun evində qaldım. Bu illər ərzində onun məndən heç xəbəri olmadı. Sonradan mən xalq artisti olanda o hər yerdə deyirdi ki, xalq artisti Tariyel Qasımovun atasıyam. Mənimlə fəxr edirdi" - deyə aktyor bildirib.
Əli Rəhimoğlu
Milli.Az