Bərdə. 17 noyabr. REPORT.AZ/ Bərdə rayonunda iki döyülmə hadisəsi baş verib.
"Report"un Qarabağ bürosu xəbər verir ki, hadisələrin biri şəhərin Nizami küçəsində qeydə alınıb.
Belə ki, 30 yaşlı Cəfərov Emin Nurəddin oğlu ağır kəllə-beyin travması ilə Bərdə Rayon Mərkəzi Xəstəxanasına çatdırılıb. Başından küt alətlə ağır xəsarət alan E.Cəfərovə tibbi yardim göstərilib və o, travmatologiya şöbəsinə yerləşdirilib.
E.Cəfərovun vəziyyətinin orta-ağır olduğu bildirilir.
Rayonun Qaradəmirçi kəndində baş verən digər döyülmə hadisəsində isə 1981-ci il təvəllüdlü Nəsrullayev Rafiq Ələsgər oğlu xəsarət alıb. O, bədən xəsarəti ilə xəstəxanaya çatdırılıb. R. Nəsrullayevin də vəziyyətinin orta-ağır olduğu bildirilir.
Hər iki faktla bağlı Bərdə Rayon Polis Şöbəsində araşdırma aparılır.
