“Qrup N-1” layihəsindən tanınan “Bico” qrupu mərhum bəstəkar Hikmət Mirməmmədlinin “Yar yarına söz verəndə” bəstəsini yeni aranjemanda ifa edib. Bu barədə Lent.az-a qrupun üzvü Səməd Xasıyev məlumat verib. Mahnının sözləri tanınmış şair Zəki İslama, aranjemanı isə Rəşad Hüseynova məxsusdur.
Qeyd edək ki, qrupun üzvləri Səməd və Elay Azərbaycan Dövlət Musiqili Komediya Teatrının aktyoru Nadir Xasıyevin övladlarıdır. . Qardaşlar “Xalq Ulduzu” layihəsinin iştirakçıları olublar. Belə ki, Səməd Xasıyev “Xalq Ulduzu-3”, qardaşı Elay Xasıyev isə “Xalq Ulduzu-4” yarışmasında iştirak ediblər.
