Bakı. 20 noyabr. REPORT.AZ/ Yeni Kaledoniyanın Sakit okeanı sahillərində 7,3 bal gücündə növbəti güclü zəlzələ olub.
"Report"un məlumatına görə, bu barədə ABŞ-ın Geologiya Xidməti xəbər verib.
Xəbərdə bildirilir ki, zəlzələ ocağı 25 kilometr dərinlikdə yerləşib.
Dağıntı və ya tələfat barədə məlumat daaxil olmayıb.
***20:29
Sakit okeanda, Fransanın dənizkənarı ərazisi Yeni Kaledoniyada 6,6 bal gücündə ikinci zəlzələ olub.
"Report" xəbər verir ki, bu barədə ABŞ-ın Geologiya Xidməti məlumat yayıb.
Məlumatda bildirilir ki, yeraltı təkanlar yerli vaxtla saat 15:09-da qeydə alınıb. Zəlzələnin episentri Tadin şəhərindən 67 kilometr şərqdə, zəlzələ ocağı 20,7 kilometr dərinlikdə yerləşib.
Sunami təhlükəsi elan edilməyib.
Qeyd edək ki, bu, ikinci zəlzələdir. Bundan əvvəl 6,7 bal gücündə daha bir güclü zəlzələ baş verib.
