Bu haqda axşam.az-ın əməkdaşı ilə söhbətində aktyor özü deyib. O, bu filmdə ilk dəfə ciddi obraz yaradacağını bildirib:Yumor ustası Fərda Xudaverdiyev rejissor Kənan M.M.-in yeni filmində rol alacaq
“2015-ci ildə üç filmə təklif almışam. Amma mənim üçün ən maraqlı təklif Kənan M.M.-dən gəldi. Onun İlqar Fəhminin əsəri əsasında çəkəcəyi ekran işində rol alacam. Tamaşaçı hər zaman məni gülməli janrda görüb. Burada isə ciddi bir obrazda olacam. Növbəti film isə “Xoxan 2” olacaq. Birinci hissə maraqla qarşılandı.
Biz sübut etdik ki, Azərbaycanda da kino çəkənlər var. Hollivuddan geri qalmırıq. Bizdə kinonun inkişaf etmədiyini deyənlərin ağzını bağlamağı bacardıq. Filmin birinci hissəsi az büdcə ilə ərsəyə gəldi. İkinciyə daha çox maliyyə ayrılacaq. Qrafikadan da istifadə edəcəyik. Bu ilin sonunda filmi təhvil verməyi planlaşdırırıq".
Milli.Az
