​AFFA "Neftçi"nin futbolçusunu 3 oyunluq cəzalandırıb

​AFFA "Neftçi"nin futbolçusunu 3 oyunluq cəzalandırıb
16:27 7 Aprel 2015
78 İdman
Ölkə mətbuatı
A- A+

Bakı. 7 aprel. REPORT.AZ/ AFFA-nın İntizam Komitəsi bu gün keçirilən iclasında Azərbaycan Premyer Liqasının XXVIII turunda yaşıl meydanlarda baş verənlərə hüquqi qiymət verib. 
"Report"un Peşəkar Futbol Liqasının rəsmi saytına istinadən verdiyi məlumata görə, komitə "Neftçi" klubunun futbolçusu Karlos Kardosonu 3 oyunluq cəzalandırıb.
Buna səbəb Zaqatalada "Simurq"la keçirilən qarşılaşma zamanı müdafiəçinin aqressiv hərəkətə görə qırmızı vərəqə alaraq meydandan kənarlaşdırılmasıdır. Klub isə müdafiəçinin hərəkətinə görə 2000 manat cərimə ödəməli olacaq.
Qərara əsasən, futbolçuya verilmiş cəzanın iki oyunu şərti cəza kimi tətbiq olunacaq və ona 6 aylıq sınaq müddəti veriləcək. Sınaq dövründə futbolçu yenidən cəzalanacağı təqdirdə sanksiyanın dayandırılmış hissəsi avtomatik olaraq bərpa olunacaq.
Bundan başqa, həmin oyunda "Neftçi"nin 6 futbolçusu sarı vərəqə ilə cəzalandığı üçün klub daha 1000 manat cərimələnib.
Qeyd edək ki, "Simurq" - "Neftçi" oyunu 0:1 hesabı ilə başa çatıb.

Xəbərin orijinal ünvanı: http://report.az/futbol/affa-neftci-nin-futbolcusunu-3

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR