[ 07 Aprel 2015 16:55 ]
Bakı. Ülkər Bəkirli - APA. Latviyanın Azərbaycandakı səfirliyində səfir Hardjis Baumanisin vəfatı ilə əlaqədar başsağlığı kitabı açılıb.
Səfirliyin mətbuat xidmətindən APA-ya verilən məlumata görə, başsağlığı kitabına ürək sözlərinin yazılması və başsağlığı qəbulunun bu gün saat 18.00-dək və sabah saat 10.00-dan 13.00-dək aparılması nəzərdə tutulur.
Səfirlik Azərbaycan Xarici İşlər Nazirliyinə, ölkədə akkreditə olunmuş diplomatik nümayəndəliklərə və beynəlxalq təşkilatların təmsilçilərinə dərin ehtiramını bildirib.
Qeyd edək ki, səfir H.Baumanis aprelin 6-da axşam saatlarında Bakıda dünyasını dəyişib. 1967-ci ildə anadan olan H. Baumanis Azərbaycandan əvvəl Litvada səfir, Sankt-Peterburqda isə baş konsul işləyib.
