​Antalya "G-20" dövlətlərinin zirvə toplantısına hazırlaşır

17:22 7 Aprel 2015
44 Dünya
Ölkə mətbuatı
A- A+

"Report" "Anadolu" agentliyinə istinadən xəbər verir ki, bu barədə Antalya vilayətinin valisi Müəmmər Türkər bildirib.
Məlumata görə, bu il noyabrın 15-16-da Antalyada dünyanın 20 dövlətinin liderlərinin sammiti keçiriləcək. Tədbirə ümumilikdə 12-13 min nəfərin qatılacağı gözlənilir.
O vurğulayıb ki, baş nazirin müavini Əli Babacanın sədrliyi ilə Ankarada keçirilən müşavirədə hazırlıqla bağlı uyğun qurumlara artıq tapşırıqlar verilib.
"Sammitdə təxminən 12-13 min nəfərin iştirak edəcəyi gözlənilir. Belə tədbirlərdə ABŞ-ın nümayəndə heyətinin tərkibində adətən 10 minə yaxın adam olur. Mehmanxanalar da belə tələblərə uyğun hazırlanır. Xarici İşlər Nazirliyi həmin müddətə mehmanxanaların rezervlərin ləğvi haqda göstəriş verib", - M.Türkər deyib.
Xatırladaq ki, sammit çərçivəsində Türkiyəyə ABŞ, Britanıya, Rusiya, Yaponiya, Kanada, Almaniya, Fransa, İtaliya, Avstraliya, Braziliya, Argentina, Hindistan, Çin, İndoneziya, Meksika, Səudiyyə Ərəbistanı, CAR liderləri səfər edəcək. Zirvə toplantısına Azərbaycan Prezidenti İlham Əliyev də dəvət olunub.

Xəbərin orijinal ünvanı: http://report.az/region/antalya-g-20-lerin-zirve

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR