Bakı, 7 aprel, AZƏRTAC
Yağmurlu hava şəraitindən sonra Bakının avtomobil yollarında və körpülərdə təmizlik işlərinə start verilib.
Bu barədə AZƏRTAC-a Nəqliyyat Nazirliyi “Azəryolservis” ASC-nin mətbuat katibi Pünhan Mürsəliyev məlumat verib.
Pünhan Mürsəliyev bildirib ki, artıq bir neçə gündür xüsusi maşınların köməyi ilə bu proses davam etdirilir. Xüsusi maddə yuyucu toz ilə qarışdırılaraq çirkli ərazilərə səpilir və bundan sonra xüsusi qurğu yerləşdirilmiş maşınlar vasitəsilə təzyiqli su verilərək nəzərdə tutulan yol elementləri yuyulur.