SOCAR "Super" markalı benzinin satışına başladı

SOCAR "Super" markalı benzinin satışına başladı
10:52 23 Noyabr 2017
60 Ölkə
Ölkə mətbuatı
A- A+

"SOCAR Petroleum" QSC 7 yanacaqdoldurma məntəqəsində "Super" markalı benzinin satışına başlayıb.

Milli.Az xəbər verir ki, QSC-dən Trend-ə verilən məlumata görə, böyük müştəri kütləsinin "Super" (A-98) markalı yanacağa olan tələbatını nəzərə alaraq ötən gündən etibarən yalnız 7 müxtəlif ünvanda fəaliyyət göstərən "SOCAR" brendli yanacaqdoldurma məntəqələrində bu yanacaq növünün satışına başlanılıb.

"SOCAR Petroleum"un aşağıdakı yanacaqdoldurma məntəqələrində bu yanacaq növünün satışı həyata keçirilir:

1. Bakı-aeroport yolunun sağ tərəfi (keçmiş Sabunçi dairəsinin yaxınlığı);
2. Bibiheybət məscidinin yaxınlığı (yolun sağ tərəfi);
3. Bakı-Quba yolunun 28-ci km-də (yolun sağ tərəfi);
4. Aeroport-Bakı yolunun sağ tərəfi (Bakı Olimpia Stadionunun yaxınlığı);
5. Babək prospekti (şəhər mərkəzi istiqamətində);
6. Ziya Bünyadov prospekti;
7. Nobel prospekti.

Qeyd edək ki, Azərbaycanda "Super" yanacağının satışı yalnız "SOCAR" brendi ilə fəaliyyət göstərən yanacaqdoldurma məntəqələrində həyata keçirilir. Xaricdən idxal olunan bu yanacağın qiyməti 1,50 manat/litr təşkil edir və "Euro-5" ekoloji standartın tələblərinə cavab verir.

Milli.Az


Xəbərin orijinal ünvanı: https://news.milli.az/country/601850.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR