Xalq artisti Aygün Kazımovanın “Düşün Məni” mahnısını türkiyəli müğənni Damla Koç ifa edəcək.
Metbuat.az-ın məlumatına görə, o, bu haqda Instaqram səhifəsində yazıb. Damla eyni zamanda xalq artisti Aygün Kazımovanın fotosunu paylaşaraq təəssüratlarını qeyd edib: “İki dövlət bir millət, mahnılarımız da bir könüllərimiz də, Qardaş Azərbaycanlılarımızın Aygün Kazımovadan dinləyib doymadığı hit mahnını hər kəs doya - doya yaşasın istədik.”
Qeyd edək ki, “Düşün məni” mahnısını Aygün Kazımova 2011-ci ildə ifa edib. Mahnının musiqisi Sevinc Tağıyevaya, sözləri isə Sevinc Şirinə aiddir.