Səudiyyə Ərəbistanı neftin qiymətini qaldırmağa hazırdır

Səudiyyə Ərəbistanı neftin qiymətini qaldırmağa hazırdır
04:54 8 Aprel 2015
43 Dünya
Ölkə mətbuatı
A- A+

Səudiyyə Ərəbistanı neftin qiymətini qaldırmağa hazırdır, lakin bunu  OPEK-ə üzv olmayan ölkələr tərəfindən analoji addımın atılacağı təqdirdə edəcək. APA-nın “RİA Novosti”yə istinadən verdiyi xəbərə görə, bu barədə krallığın neft naziri Əli əl Naimi bildirib.  

 

“Krallıq, əvvəl də olduğu kimi, bazarda stabilliyin bərpasına yardım etməyə və neftin qiymətini qaldırmağa hazırdır. Lakin bu neftin əsas ixracatçı və idxalçı ölkələrinin prosesdə iştirak edəcəyi təqdirdə, onun dəqiq prinsiplərə əsaslanacağı və yüksək şəffaflığın olacağı təqdirdə mümkündür. Belə ki,  istər Ər-Riyad, yaxud Fars körfəzinin digər ölkələri, yaxud da ki OPEK ölkələri təklikdə bunu üzərilərinə götürməməlidir”, deyə əl Naimi qeyd edib.         

 

Bundan əvvəl Əli əl Naimi Səudiyyə Ərəbistanının dünyada tələbatın artması fonunda neftin qiymətinin artıracağını bildirib. Onun sözlərinə görə, dünyada neftə olan tələbat bərpa olunur v ölkə istənilən müştərinin tələbatını ödəməyə qadirdir. Əl Naimi ölkədə gündəlik hasil olunan neftin həcminin 10 mln barelə çatdığını bildirib.     

 

Qeyd edək ki,  Səudiyyə Ərəbistanı bundan əvvəl apreldə Arab Light markalı neftin bir barelinin qiymətini  1,4 dollar qaldırıb. 


Xəbərin orijinal ünvanı: http://news.lent.az/news/198569

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR