Türkiyənin Zonquldak şəhərində yerləşən kömür mədənində çökmə olub.
Metbuat.az xəbər verir ki, hadisə yerli saatla 12:30 radələrində Kilimlidəki TTK Karadon Daş Kömürü Müəssisə Müdirliyinə aid kömür mədənində baş verib. Əraziyə xilasetmə və təcili yardım briqadası cəlb olunub. Xilasedicilər hadisə yerindən 2 mədənçinin cəsədi çıxarılıb. Yaralı vəziyyətdə olan işçilərdən biri isə xəstəxanaya aparılıb.
Faktla bağlı polis araşdırmaya başlayıb.
Aysel Yaqubqızı / Metbuat.az