Bakı.8 aprel. REPORT.AZ/ Əfqanıstanın şimalında - Baqlan əyalətində baş verən sel nəticəsində 6 nəfər ölüb.
"Report" "Anadolu" Agentliyinə istinadən xəbər verir ki, bu haqda əyalətin polis idarəsinin nümayəndəsi Cavid Bəşarat bildirib.
Onun sözlərinə görə, sel nəticəsində çoxlu sayda sakin xəsarət alıb: "Su axını bir neçə vətəndaşımızı aparıb. Axtarış-xilasetmə işləri davam etdirilir".
Təbii fəlakətlərə qarşı mübarizə idarəsinin başçısı Məhəmməd Nasir Kozdaq bildirib ki, yüzlərlə ev su altında qalıb.