Samuxda avtomobil ağaca çırpılıb, bir nəfər xəsarət alıb

08:52 8 Aprel 2015
43 Digər
Ölkə mətbuatı
A- A+

[ 08 Aprel 2015 09:44 ]


Samux. Azər Məmmədli - APA. Samuxda yüksək sürətlə idarə olunan “Mercedes” markalı avtomobil ağaca çırpılıb.

 

APA-nın qərb bürosunun verdiyi məlumata görə, hadisə rayonun Çobanabdallı kəndinə gedən yolda qeydə alınıb.

 

Rayonun Qarabağlar kənd sakini, 1988-ci il təvəllüdlü Ramin Nağıyev idarə etdiyi “Mercedes” markalı avtomobillə yüksək sürətlə hərəkətdə olarkən idarəetməni itirib və maşın yolun kənarındakı ağaca çırpılıb.

 

Qəza zamanı maşında olan sərnişin, 1989-cu il təvəllüdlü Afiq Rüstəmov ağır bədən xəsarətləri alaraq Gəncə şəhər Təcili Tibbi Yardım xəstəxanasına yerləşdirilib. Həkimlər onun vəziyyətinin ağır olduğunu bildirirlər. Digər sərnişin, 1991-ci il təvəllüdlü Elnur Həsənov xəsarət almayıb.

 

Samux Rayon Polis şöbəsindən verilən məlumata qəzaya uğrayan avtomobilin sürücüsü və sərnişinləri sərxoş olublar.

 

Faktla bağlı araşdırma aparılır.


Xəbərin orijinal ünvanı: http://az.apa.az/news/378807

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR