Tanınmış müğənni Kərim Abbasov repertuarına öz bəstəsi ilə yeniləyib. İfaçı ANS PRESS-ə açıqlamasında, "Gülüm" adlanan yeni mahnısını həyat yoldaşına həsr etdiyini söylədi:
"Bəstənin sözləri Vüqar Rahiyə, musiqisi özümə aiddir. Bu mahnını öz həyat yoldaşıma həsr etmişəm. Mahnıda həyat yoldaşımı nə qədər sevdiyimi, nə qədər sadiq qalacağımı, ona nə qədər dəyər verdiyimi heç vaxt unutmadığımı bildirmişəm".
Qeyd edək ki, Kərim Abbasov 6 dekabr 2010-cu ildə Təranə adlı xanımla ailə qurub. Cütlüyün bir oğlu var. Müğənni müsahibələrində mütamadi olaraq həyat yoldaşı və oğluna olan sonsuz sevgisindən söz açır. "Allah eləməsin, əgər bir gün eşitsəniz ki, Kərim ölüb, bilin ki, mən ailəmdən ayrılmışam və buna görə də özümü öldürmüşəm”.
MənbəANS PRESS
