Qarabağda azərbaycanlı qanını tökən şəxs Yerevanda saxlanıldı.
Ermənistanda "Təsis parlamenti" müxalif hərəkatının lideri Jirayr Səfilyan və bir neçə tərəfdaşı saxlanılıblar. Milli.Az Ermənistan mətbuatına istnadən bildirir ki, o, aprelin 24-də Yerevanda qarışıqlıq yaratmaq üçün planlar qururmuş.
Səfilyanın tərəfdaşı Aram Akopyan əl qumbarası saxlamaq ittihamı ilə həbs olunub.
"Təsis parlamenti" müxalif hərəkatı "erməni soyqırımı" günündə etiraz aksiyaları təşkil etməyi planlaşdırırdı.
Xatırladaq ki, əslən Livandan olan Jirayr Səfilyan Qarabağ müharibəsi zamanı erməni bölmələrindən birinin komandiri olub. Şuşa şəhərini işğal edən hərbi birləşmələrə o rəhbərlik edib.
Milli.Az
